稻香 (德福廣場2期)

营业中

休息中

我爸爸钟意食稻香，作为一个孝顺女，就陪佢去食啦。已经好耐无去稻香堂食，估唔到而家咁先进变咗自动入水，晚茶每位$14。我哋4个人叫咗5个𩠌，2个饭，真系食得好饱。啫啫鲍鱼鸡煲$128: 鸡肉好入味，有4只鲍鱼，瓦煲热辣辣，成餐都keep到呢个𩠌嘅温度。咁嘅价钱，只鲍鱼一啲都唔细。椒盐肉排$88: 呢个𩠌系做稻香会员送㗎，好香口，虽然唔使钱，反而我觉得依个𩠌系今晚嘅亮点。大龙趸两味$268清蒸头腩： 蒸鱼啱晒我老窦，啲鱼好滑，蒸鱼豉油捞饭一流。碧绿炒球：大大块鱼肉，无骨，啱晒我。安格斯腐乳通菜$98: 呢个就普普通通。埋单四个人大约$680，每人大约$170，酒楼晚市确实超值。