新森林焗之專門店 (威靈頓街)

营业中

休息中

今日又约下我另一个新同事食Lunch，大家都系冇乜idea食咩，都系谂住平平哋揾个地方食下饭，吹下水。大家都知中环揾间平平嘅餐厅系好困难嘅事，又要平，又可以坐好耐，又包埋饮品，的确系难事。好彩比我哋发现呢间「新森林焗之专门店」，仲有也好彩哋一入去即有位，当时差不多成12:30 pm左右，正正系LUNCH HOUR繁忙时间。大家一坐低，看下个MENU，哗!好平下，$39至 $45蚊一个餐，仲有包埋热饮，真系比个LIKE佢。我叫咗「日式辛口咖哩吉列鱼柳蛋饭」加一杯热杏仁霜，而我同事叫咗「香煎帆立贝伴免治牛肉意粉」都系加一杯热杏仁霜，我份餐个卖相不错，啲吉列鱼柳好香脆，成2大件，又加埋啲什菜，的确好好味，整体不错。但杯热杏仁霜就有D淡，希望会改善一下。总括来说，今日埋单$78，即每人＄39，最开心系唔洗加一，又可以坐得耐，对中环来说，真系好少见。