鱷魚泰國餐廳 (已結業)

人人都话食泰国菜一定要九龙城，因为呢度够集中，横扫几条街每条街都至少都有一两间多的仲五六间咁多添，有时真系唔知道食边间先好，而且每间都有佢招牌菜式，真系唔知如何入手，而且价钱都有D分别，是日朋友带咗我去呢间鳄鱼泰国餐厅开饭系门口已见消费满$200就可以系5款菜式中选择其中一款，咁又几抵食今餐菜式由朋友做主拍板，先来叫咗冬阴公汤（细），热辣辣冬阴公已闻到香浓味道，整碗汤呈现鲜红色，材料包括有海虾,贝壳类等同埋其他香料一齐煮成，入口酸酸辣辣越饮越开胃仲几鲜甜其后系咖哩软壳蟹脆包盅，香脆面包盖住香浓咖哩汁配上软壳蟹肉，轻轻切开面包面层已见咖哩汁慢慢渗透出来，再将面包切成一小块再沾上香浓咖哩，入口面包松脆汁而香甜不辣，而软壳蟹肉肉质鲜嫩爽口，梗直完美配搭再来系香茅鸡翼，鸡翼表面金黄香脆，入口肉质外脆内里嫩滑，而香茅亦相当入味，再点埋开胃辣汁食得滋味食咗咁耐都要点番杯特色饮品降降火，叫咗椰青沙冰，入口香甜又冰凉真解渴一路食住之际又到甜出场要咗椰汁西米糕拼千层糕拼大菜糕，虽然系简单甜品，但咁先食到正宗泰式风味，是晚食得满足又开心