Aldou Cafe (已易手) 新餐厅

优质西餐只需$358价钱便可以食到，呢口价钱真系抵到唔知去边度揾， 最重要系整体环境令人感觉很浪漫，依家香港要食又经济又浪漫嘅西餐，真系好难揾得到了！话明系套餐， 就梗系有齐基本餐包、餐汤， 睇落两者都好平凡 ，但系原来平凡嘅嘢只要略加心思都可以变得好好味， 好似呢个粟米汤咁，粟米蓉好碎，饮落口，每一口都系精华；饮完汤，已经十分期待之后的食物……罗勒白酒煮鲜大蚬， 为了保持鲜味及大蚬的肉质，餐厅没有将大蚬煮至全熟， 大蚬大大只，肉质丰厚，能够保持嫩滑的口感，罗勒及白酒将大蚬的鲜味完全吊起，真是令人食得津津乐道！焗猪肋排配薯条沙律， 因为配了芝士熔岩酱 所以感觉好像食紧韩式的芝士烧排骨， 排骨烧得十分香口， 虽然是排骨，但是咬落啖啖肉， 好饱肚， 粗身薯条都好好味。巴马火腿意大利饭， 无花果新鲜，巴马火腿好香，意大利饭又煮得相当标准， 是不二的选择。饭后仲有饮品，正好为这餐食得非常满足的晚餐作最后的一个点缀。