影片
更多
2014-02-07
2038 浏览
曾几何时, 呢度系我同屋企人嘅食堂, 因为价钱平, 味道好, 而且附近劲多 "咪表", 绝对方便驾驶人士 ^^ 呢度不论假日定平日, 都见其门如市… 就算订咗位, 有时嚟到都仲要等…今日行街行到攰攰哋, 大概五点几六点, 家人提议食早饭, 顺便歇一歇… 一轮相议过后, 我哋决定嚟呢度搏一搏, 咁早应该有位嘅 ^^ 哈哈, 不出我哋所料, 六点去到真系仲有位… 不过十五分钟过后, 已有好多客人鱼贯入场… 哈哈, 生意真系旺!!我哋今晚点咗几味小炒, 首先出场嘅系酥炸墨鱼饼 ^^ 外面炸到金黄酥脆, 内里嘅墨鱼肉又劲弹牙, 美味可口!! 呢个小食系我哋一家人嘅必点美食 ＼(^o^)／跟住出场嘅系沙嗲串烧 (4串鸡, 4串羊), 串烧烧得好香, 充满炭烧嘅口感, 而且肉质鲜嫩又多汁, 配埋惹味嘅沙嗲酱, 真系令人停唔到口 ^^紧接出场嘅马拉盏炒椰菜苗 ^^ 其实马拉盏本身已经好香口, 好惹味, 配上爽脆嘅椰菜苗, 简直冇得弹!! 菠萝炒饭 ^^ 原个菠萝上, 充满泰式风情! 而且内里夹杂不同嘅海鲜, 为炒饭增添味道 & 色彩! 不过今晚嘅炒饭味道有点淡, 冇以前咁好食…最后出场嘅系炒贵刁 ^
今日行街行到攰攰哋, 大概五点几六点, 家人提议食早饭, 顺便歇一歇… 一轮相议过后, 我哋决定嚟呢度搏一搏, 咁早应该有位嘅 ^^ 哈哈, 不出我哋所料, 六点去到真系仲有位… 不过十五分钟过后, 已有好多客人鱼贯入场… 哈哈, 生意真系旺!!
我哋今晚点咗几味小炒, 首先出场嘅系酥炸墨鱼饼 ^^ 外面炸到金黄酥脆, 内里嘅墨鱼肉又劲弹牙, 美味可口!! 呢个小食系我哋一家人嘅必点美食 ＼(^o^)／
跟住出场嘅系沙嗲串烧 (4串鸡, 4串羊), 串烧烧得好香, 充满炭烧嘅口感, 而且肉质鲜嫩又多汁, 配埋惹味嘅沙嗲酱, 真系令人停唔到口 ^^
紧接出场嘅马拉盏炒椰菜苗 ^^ 其实马拉盏本身已经好香口, 好惹味, 配上爽脆嘅椰菜苗, 简直冇得弹!!
菠萝炒饭 ^^ 原个菠萝上, 充满泰式风情! 而且内里夹杂不同嘅海鲜, 为炒饭增添味道 & 色彩! 不过今晚嘅炒饭味道有点淡, 冇以前咁好食…
最后出场嘅系炒贵刁 ^^ 炒河好薄好滑, 口感一流, 而且味道够浓, 惹味非常!!
因为上菜都好快, 我哋喺一个钟头内已经用膳完毕! 叫咗埋单, 侍应就一如既往咁自动送上免费甜品 - 椰汁大菜糕 ^^ 呢个甜品亦系我哋嘅最爱之一, 因为清甜不腻, 食完后觉得好舒服~
七点钟离开餐厅, 已见为数最少十人喺度等紧位… 平日星期四晚都要排队, 真系旺得有点夸张!!张贴
