影片
更多
2023-02-04
600 浏览
位于粉岭中心嘅小河内都食过两次，食物正常发挥，价钱经济合理，整体环境唔局促，店员都亲切有礼貌，同埋胜在唔使排队。店舖以彩蓝色及深蓝色做主调，我哋拣咗窗边卡位坐低，坐位宽敞舒适，楼底高，从大玻璃窗望到店外环境，虽然系屋苑景，但都感到份外休闲宁静。睇餐牌叫咗两个越式午市套餐。#河内生牛肉金边粉 $58个汤底比起出面其他越南河较为清淡，唔系话好热辣辣，薄生牛肉片都保持住半生熟状态，份量都正常，面底有几款选择，我就拣咗金边粉，钟意佢比河粉幼身，煮得硬度刚好，配料有葱、洋葱、芽菜同九层塔都俾得多嘅，套餐包咗热饮，餐厅系无加一收费，呢个价钱有呢个配套都非常唔错。#河内三宝饭 $62越南三宝有香茅猪扒、鸡翼及扎肉，猪扒同鸡翼都腌得入味，猪扒煎得甘香，香茅味好出，鸡中翼有两只，正常好味水平，扎肉都预咗系冻嘅，不过质地有少少冻到硬硬哋，同有少少雪味，感觉似雪咗好耐。个饭加只荷包蛋捞埋豉油、葱油、炸干葱一齐食都唔错，不过只荷包蛋同个饭就略嫌唔够热。#小河内地址：粉岭新运路33号粉岭中心地下148-148A号舖
河内生牛肉金边粉
30 浏览
0 赞好
0 留言
个汤底比起出面其他越南河较为清淡，唔系话好热辣辣，薄生牛肉片都保持住半生熟状态，份量都正常，面底有几款选择，我就拣咗金边粉，钟意佢比河粉幼身，煮得硬度刚好，配料有葱、洋葱、芽菜同九层塔都俾得多嘅，套餐包咗热饮，餐厅系无加一收费，呢个价钱有呢个配套都非常唔错。
河内三宝饭
15 浏览
0 赞好
0 留言
越南三宝有香茅猪扒、鸡翼及扎肉，猪扒同鸡翼都腌得入味，猪扒煎得甘香，香茅味好出，鸡中翼有两只，正常好味水平，扎肉都预咗系冻嘅，不过质地有少少冻到硬硬哋，同有少少雪味，感觉似雪咗好耐。个饭加只荷包蛋捞埋豉油、葱油、炸干葱一齐食都唔错，不过只荷包蛋同个饭就略嫌唔够热。
#小河内地址：粉岭新运路33号粉岭中心地下148-148A号舖
张贴
