豚豚食堂

营业中

休息中

经济好食日本菜@新蒲岗二人餐有两个主食同三个小食，超过廿个选择先至 $228，日本菜都可以经济实惠㗎！天气冻咗好啱食牛油拉面，牛油香滑，溶入汤底，唔会有肥腻感。拉面有嚼劲，配料例如粟米、昆布等等相当丰富。第二个主食就加 $5 拣咗吉列猪扒奄列咖哩饭，吉列猪扒都几大块，炸得脆卜卜，加上咖哩捞饭好惹味好食。串烧两款每样两串，真系两人份量㗎。串烧嘅卖相吸引，鸡翼更加系烧到脆皮，调味又适中唔过浓。鱿鱼须好弹牙，我自己都比较钟意食触须，觉得口感有咬口啲～每款小食份量都系咁足料，饺子都有半打，哈哈。饺子个馅都几多，煎得不错。