Red Lobster (Fashion Walk) (已結業)

今日放假，同老婆去铜锣湾行街，顺便嚟过午餐，地点拣了Red Lobster.二人点了一个午餐包括蕃茄汤，车打芝士松饼及龙虾薄饼，再另加一个招牌红虾沙律。车打芝士松饼有惊喜，芝士味浓烈，松饼亦松化，而且系免费，冇得顶。蕃茄汤味道浓烈，酸中带甜，非常好饮。红虾招牌沙律份量大，沙律菜非常新鲜，另加上牛油果粒，蕃茄粒及少量炸烟肉碎，配上千岛酱，非常好味，值得推荐。龙虾薄饼却有点失色，薄饼非常干及硬，薄饼味道亦淡，冇乜味道。整体来讲，除咗个薄饼稍为水准以下，样样都几好味。最紧要经济实惠，埋单只系$200。