一粥麵 (已結業)

话说今日朝早陪屋企人去佐敦睇医生 ,睇完医生后,正直系中午时间,于是就喺附近揾嘢食。行行下见到间一粥面,于是就打算去睇下有咩食,,呢间一粥面唔同平时的一粥面,当你入到去店内的时候,你只系需要揾位坐低 ,然之后有侍应会行去你身边落单,落完单等一阵就会有侍应将你点嘅嘢送畀你枱面,但系佢餐牌上面嘅价钱同其他分店系一样嘅。好啦入正题啦,由于我同屋企人都未食早餐,于是就打算早餐同午餐一齐食,咁我哋就点咗个 排骨凤爪煲仔饭,同埋牛坑腩云吞面。 凤爪排骨煲仔饭呢个煲仔饭系用瓦煲原煲上,即叫即做,上枱嘅时候仲热辣辣,然后加啲豉油落去再捞匀啲饭,香喷喷冇得顶,冬天食就一流,套餐仲送一杯热饮价钱都$47蚊,大家话系唔系好抵呢 (只限午市)。牛坑腩云吞面牛坑腩,应该系用柱侯酱去整,嘅非常之入味 ,而且佢云吞都系保持一贯水准。