廿一前 (已結業)

今日又嚟到大鴻輝食火鍋放題 今次呢一間係喺頂樓嘅廿一前 有別於一般嘅火鍋放題 除咗可以烚吓烚吓之外 仲可以有串燒 炸串 同炸物 再加上佢嘅價錢算平😧 又係一人一鍋 就嚟咗試一試首先有一啲海鮮刺身 種類都幾多 有三文魚同啲貝類 仲有泰式生蝦 味道就冇咩特別😂火鍋湯底揀咗豬骨湯 友人就揀咗番茄湯 湯底都偏鹹😕海鮮拼盤有蟶子肉 盲鰽魚片 墨魚同虎蝦 記得要淥熟先食 個人覺得虎蝦唔夠大隻 蟶子肉又比較韌🥺肉類都比較偏薄身 個人認為豬肉片好食過牛肉片🐷炸串嘅炸粉唔算太厚 灑咗啲辣粉幾惹味 最推介佢嘅炸雞翼🐥串燒有好多款式 不過就燒得比較乾身 最好食嘅係露荀腩肉卷同蔥段豚肉卷🍢炸物比較油膩 唔算太好食🍤甜品嘅雪糕有好多配料可以放上雪糕 非常之好 不過蛋糕就千祈唔好食 好黐牙同好似擦膠咁🍦總括嚟講 呢間打邊爐夠晒平 種類好多好多 連炸物同串燒都有得叫 咁嘅價錢去邊度搵