意樂餐廳 (迎東邨)

营业中

休息中

嚟到东涌探朋友，晚餐唔想主人家又煮又洗咁大阵仗，一于落楼下揾食医肚！呢度嘅餐厅选择唔多，我哋决定食呢间好多分店嘅连锁餐厅，贪佢环境阔度，又冇乜人，可以密密针！晚市餐牌嘅选择偏少，款式都系偏向西式为主，我叫咗个芝士咖喱薯仔焗牛腩饭，跟餐嗌多杯冻柠茶。咖喱味都几浓，食得出落咗好多种唔同嘅香料，牛腩炆得好入味，唔系一般大家乐大快活𠮶种咖喱。而且咖喱入面嘅薯仔好香，应该有微微煎过先再一齐煮，唔系就咁揼落去炆。冻柠茶几特别，应该系将个柠檬绞碎再冲茶，唔系一般见到杯茶上面有几片柠檬俾你笃𠮶种。整体不过不失，正常发挥，符合价钱同CP值。