部屋咖啡室

约左老公及两位友人系旺角食饭倾计，我地要揾个坐得耐嘅地方，朋友提议去cafe食饭，食饱又可以玩下board game。我地上网揾完决定去登打士广场12楼呢间部屋咖啡室。一出就见到简单温馨嘅布置，好似返到屋企咁，天寒地冻都即时暖返晒😇店内面积不大但放满梳化，人人都可以坐得舒舒服服，我地见到隔离有十几位年青人系度玩board game，真系一个聚会好地方。有块板比我地自行点餐，又有我最爱嘅minions😊我地点左两份小食及一份4人餐 ($508)。4人餐包括:餐汤~沙律~pizza~意粉/饭(2款)~饮品餐汤系粟米忌廉汤凯撒沙律个酱汁酸酸地好醒胃，沙律菜爽甜，包烘得够脆。至尊辣肉肠pizza好大块呀～4个人真系食唔晒，pizza底够松软唔韧系我喜欢嘅口感，大量芝士可以造到拉丝效果，辣肉肠咸度刚好，热腾腾时吃真系好好味😋烤鸡阔条面面条软硬度适中，挂满creamy嘅酱汁，蒜香味缓缓渗出，不错!辣虎虾意粉蕃茄汁加辣后味道酸酸辣辣的，好惹味。海鲜都俾人吃了😂没机会试。蜜糖鸡翼好浓蜜味，鸡肉嫩滑，外皮带点脆口，好似出面bbq鸡翼咁好味。酥炸鸡软骨盐酥味浓，炸得好脆，如果配啤酒就一流喇。我地另外加2