小火焰韓式咖啡廳 (觀點中心) (已結業)

餐厅就系apm隔离既中心，地理位置方便。而且餐牌选择非常多，既有沙律，韩国小食，石头锅，冷面，炸鸡，基本上食到既韩国料理都有得叫。平日dinner时段等位比假日少人。90分钟用餐。叫左芝味炸鸡(半份$88)，拉丝芝士BB猪肋骨伴泡菜炒饭($88)，羽衣甘蓝特色菜饼。芝味炸鸡半份有4件，有鸡翼及鸡脾部位，即炸热辣辣，咬开仲冒紧烟，而且外皮醮有满满既甜芝士酱，及芝士粉，唔系腻既芝士，good。肉唔干唔‘鞋’口。猪肋骨有3大件，烧得适中，用芝士卷住猪肋骨就有另一种风味。泡菜饭唔辣，面头仲有d紫菜，如果唔想太济，就唔好拌太多芝士。但个人将所有配料一齐搅拌后，好好食。份量多。菜饼上有几块羽衣甘蓝，粟米，泡菜，红萝卜丝等，比较少见会加入羽衣甘蓝，泡菜令菜饼既味道更突出。饼底虽然薄，但配料够多。整体，静静地食dinner，唔错既选择，而且份量多，好丰富，食物种类又多。