千代鶴

营业中

休息中

呢间系日式寿司居酒屋，喺屋企附近一直都想试！见而家单点主餐牌做紧八五折优惠，加埋啱啱出消费券，即刻去试吓先！三文鱼亲子丼三文鱼份量都几多，食落新鲜肥美，油香好够！表面有充满咸香嘅三文鱼籽，每一粒都晶莹通透～咬开咸香满泻，虽然睇落好似唔系好大碗，但系食晒成碗都几饱！海胆可乐饼可乐饼新鲜炸起，表面金黄香脆，入口亦都非常松化！中间食到海胆，甘香浓郁～ 呢个配搭都唔错！香脆外壳同埋软绵海胆质感形成强烈对比，令口感更有层次！日本国产免治鸡肉棒每次去到边都要叫！鸡肉棒口感丰富，表面微焦，食落够晒惹味！一定要嗌返杯酒啤啤佢！手卷当日同朋友仲试咗几款手卷，有鳗鱼、海胆、葱吞拿鱼蓉等，每一款嘅份量都好多！够晒足料！而且刺身好新鲜～ 抵食！