好一鍋海鮮火鍋專門店 (已結業)

天气开始转凉， 好自然想食啲热辣辣暖笠笠嘅嘢暖肚，放工约埋同事去打边炉就至啱喇。今次book咗旺角琼华里面嘅好一锅，$158任饮任食2.5小时， 九点半后入座只需$138， 平过自己煮， 价钱经济实惠， 难怪咁旺场超多人等位。 全部汤底免费供应， 我哋两个人拣了鲨鱼骨猴头菇锅，汤料都几丰富 ， 如果人多仲可以拣三款汤底，选择多萝萝。因为肚饿的关系， 我们好快手点了一大堆食物， 每样都系按人数计算， 贵精不贵多， 份量细d 反而可以食多d 唔同食物。火锅料种类多多，个人至爱白鳝片，大大片够新鲜， 鲜鲩鱼片也唔错。 我们钟意食牛，所以美国肥牛，手切肥牛同滑牛肉都有点，三款质素都唔差， 色泽红润新鲜，美国肥牛肉味最浓郁，手切肥牛纹理分布均匀，入口溶化， 但我最爱滑牛肉，食落嫩滑好正。海虾新鲜又大只， 弹牙爽口， 每次只有两只，要食多几转先够喉， 最惊喜系牛骨髓都有， 唔系度度有，怀旧嘢一定要试。火锅纸上的选择都唔少， 鱼类肉类丸类海鲜及蔬菜， 加埋接近90款食物， 选择也好足够。埋单每人百多元，就可以收获一餐丰富美食，地点又就脚，下次可以再约朋友来食过。