麵麵店 (已結業)

曾经系宝林返过一年工，面面店一直系我买外卖嘅最佳选择，几乎每星期都会买一次，不过就从来冇试过堂食😌 自从无喺宝琳返工之后，一直就冇食过，有啲挂住香菇素汤嘅味道，今日就试吓堂食！车仔面选择几多，而且价钱经济实惠，三𩠌包饮品，都系$42！特别钟意食佢哋嘅萝卜，猪耳，猪肠，墨鱼卷！不过最吸引我嘅系个汤底，香菇素汤。汤底菇味十足，就咁饮都唔会觉得咸🤩不过略嫌堂食嘅汤太少，外卖汤较多，有得就咁饮，堂食嘅汤只系足够啱啱好食完个面。另外，餐厅所有嘢几乎都系自助，自助点餐，食完去柜台俾钱，冇乜服务可言。见到有个唔识用电话自助落单嘅婶婶，等到发脾气都未有人理佢😅