八番屋 (已結業)

八番屋位于大埔新达广场，距离大埔墟港铁站只需2-3分钟路程，除咗位置方便外，餐牌选择多而且价格经济实惠，可以单点亦有抵食二人餐，我地拣咗有两个主食、一客串烧盛盒、无酒精特饮同甜品，人均消费都只系$150左右😆串烧盛有4串指定串烧，包括牛柳串、鸡翼、鸡软骨、鸡腿肉串，完全唔系hea 嘢，食落有碳烧味，好香口而且有肉汁唔会过干👍🏻最爱鸡腿肉串，啖啖肉太滋味😋主食五选二，除咗芝士烧牛肉丼同鳗鱼玉子丼要额外加$10，余下仲有三款拉面沾面🍜可以选择👍🏻鸡肉野菜拉面 （豚鸡盐味）用上鸡胸肉片同大量野菜配上豚骨鸡白汤，拉面偏粗挂汤力高，建议可以先食一半再加入七味粉，咁就可以一菜二食😎直源叉烧沾面份量十足，仲有两大片肥瘦适中嘅日式叉烧、半只糖心蛋超吸引🤩，唔好见佢碗汤细细碗咁，其实已经好足够，而且用上粗拉面可以挂满豚骨浓汤😍樱花🌸福饼一客有四件，细细件和菓子上面仲有盐渍樱花，咸咸地又可以平衡白豆沙嘅甜味😋二人套餐仲可以拣任选无酒精特饮🤩杂果宾治、水果乳酸梳打面任选，大大杯透心凉😎