皇廷工房點心專門店 (已結業)

午市有套餐，可拣一款蒸饭或米线加配一个点心只系$54，一人餐。非常抵食！我哋叫咗窝蛋牛肉饭，一煲份量都几多，足够两个人食到饱饱。点心就叫咗日式饺子，一份有四件。饺子煎得几香，味道都唔错。套餐仲包饮品一杯，叫咗热柚子蜜。另外，我哋散叫咗啲点心。叫咗虾饺，有三件。虾饺大大只，皮够薄、虾够爽口。认真唔错。蒸萝卜糕亦都几大旧，加埋豉油食好味。肠粉叫咗虾肠，肠粉有三大条，新鲜热辣辣整起。入边啲虾又系好大只，真系抵食！仲有虾春卷，呢个我觉得好好食。因为春卷新鲜炸起，好香脆。入边啲虾又系同样地想爽口。油菜亦都大大碟，生菜味道都正常。