影片
更多
2022-02-20
340 浏览
一向都好钟意食粉面，贪佢湿湿地、易入口，每次 lunch time 谂唔到食乜嘢，都会拣粉面做午餐，既方便又快捷。今日帮人攞啲物资嚟鸭脷洲，办完正经事，就顺便喺附近揾食。喺利东街市见到新开咗间「乐园鱼旦专家」，环境簇新，店面光猛洁净，一于不作他想。餐牌压咗系台面嘅玻璃下面，食物一目了然，除了各式粉面外，还有饭类、鲜炸鱼皮、郊外油菜、紫菜汤及饮品等供应。点咗凤城水饺拼鲜虾云吞幼面 ($42) 同 五香牛腩拼黄金片头河粉 ($46) 各一碗。水饺云吞面率先送上，先尝一口汤底，饮落好顺喉，清淡得嚟带一股鲜香，就算当汤饮都唔会觉得过咸。云吞大小得宜，皮薄馅靓，咬落去食到好大只虾，爽口弹牙，新鲜又足料。水饺同样真材实料，大大粒，内有木耳、笋丝同半肥瘦猪肉，食落口感好丰富，适合喜欢爽口嘅客人。面条质素亦不俗，爽身烟韧，每一口都是传统滋味。至于碗河粉亦令人吃得十分满意，汤底浓郁鲜香，牛腩肥瘦度亦啱啱好，肉质丰腴、带浓厚嘅五香味；片头弹牙甘香，配埋白滑嘅河粉一齐食，够晒饱肚。天寒地冻，梗系要饮返杯热嘢，热奶茶 (+$8) 口感顺滑，而热柠茶 (+$8) 味道亦唔错，茶底香浓够味。临走时，见到门口企满了
今日帮人攞啲物资嚟鸭脷洲，办完正经事，就顺便喺附近揾食。喺利东街市见到新开咗间「乐园鱼旦专家」，环境簇新，店面光猛洁净，一于不作他想。
餐牌压咗系台面嘅玻璃下面，食物一目了然，除了各式粉面外，还有饭类、鲜炸鱼皮、郊外油菜、紫菜汤及饮品等供应。
点咗凤城水饺拼鲜虾云吞幼面 ($42) 同 五香牛腩拼黄金片头河粉 ($46) 各一碗。
水饺云吞面率先送上，先尝一口汤底，饮落好顺喉，清淡得嚟带一股鲜香，就算当汤饮都唔会觉得过咸。云吞大小得宜，皮薄馅靓，咬落去食到好大只虾，爽口弹牙，新鲜又足料。
水饺同样真材实料，大大粒，内有木耳、笋丝同半肥瘦猪肉，食落口感好丰富，适合喜欢爽口嘅客人。面条质素亦不俗，爽身烟韧，每一口都是传统滋味。
至于碗河粉亦令人吃得十分满意，汤底浓郁鲜香，牛腩肥瘦度亦啱啱好，肉质丰腴、带浓厚嘅五香味；片头弹牙甘香，配埋白滑嘅河粉一齐食，够晒饱肚。
天寒地冻，梗系要饮返杯热嘢，热奶茶 (+$8) 口感顺滑，而热柠茶 (+$8) 味道亦唔错，茶底香浓够味。
临走时，见到门口企满了客人喺度等外卖，足见附近嘅街坊都相当捧场。
张贴
