影片
更多
2023-03-13
208 浏览
帮朋友攞啲手作用品嚟蓝田，搞掂就顺便一齐食晏。友人想食粉面，带咗我嚟德田街市地下呢间「乐园鱼旦专家」。嚟到刚好过咗午市繁忙时间，店内食客不多，毋须轮候，便可以即时入座。店子地方不大，一般粉面店格局，但胜在装修得都几骨子，地方簇新洁净，所以都坐得好舒服。点咗五香牛腩拼凤城水饺幼面 ($48) 同 爽滑鱼饺拼鲜虾云吞粗面 ($48) 各一碗。牛腩肥瘦适中、肉质稔滑，略有脂肪同油香，五香味道浓厚。幼面水准亦唔错，面质十分挂汤，食落爽身得嚟又有咬劲。水饺大大粒，真材实料，虾同肉馅味道不俗，加上笋丝和木耳，增强了口感，沾少许店家自制嘅秘制辣椒酱食，更添滋味。鱼皮饺用100% 门鳝压制，人手碌皮，再将新鲜猪肉馅包进饺皮内，入口鲜味啱啱好，厚身爽滑，鱼味十足，令人一试爱上。云吞大小适中，皮薄馅靓，虾仁和猪肉比例恰好，汤底清鲜，富大地鱼香。粗面微弹有嚼劲，食落蛋味好浓郁。食完再叹番杯冻饮，一乐也！冻奶茶 (+$8) 茶味很足，冻柠乐 (+$11) 冰凉微酸，解渴一流。
帮朋友攞啲手作用品嚟蓝田，搞掂就顺便一齐食晏。友人想食粉面，带咗我嚟德田街市地下呢间「乐园鱼旦专家」。
嚟到刚好过咗午市繁忙时间，店内食客不多，毋须轮候，便可以即时入座。
店子地方不大，一般粉面店格局，但胜在装修得都几骨子，地方簇新洁净，所以都坐得好舒服。
点咗五香牛腩拼凤城水饺幼面 ($48) 同 爽滑鱼饺拼鲜虾云吞粗面 ($48) 各一碗。
牛腩肥瘦适中、肉质稔滑，略有脂肪同油香，五香味道浓厚。幼面水准亦唔错，面质十分挂汤，食落爽身得嚟又有咬劲。
水饺大大粒，真材实料，虾同肉馅味道不俗，加上笋丝和木耳，增强了口感，沾少许店家自制嘅秘制辣椒酱食，更添滋味。
鱼皮饺用100% 门鳝压制，人手碌皮，再将新鲜猪肉馅包进饺皮内，入口鲜味啱啱好，厚身爽滑，鱼味十足，令人一试爱上。
云吞大小适中，皮薄馅靓，虾仁和猪肉比例恰好，汤底清鲜，富大地鱼香。粗面微弹有嚼劲，食落蛋味好浓郁。
食完再叹番杯冻饮，一乐也！冻奶茶 (+$8) 茶味很足，冻柠乐 (+$11) 冰凉微酸，解渴一流。
张贴
