繽紛維苑餐廳 (已結業)

2日内订到位而又就脚既自助餐酒店唔算多，而呢间都算唔错选择。话说今次临时决定一家人一起吃自助餐,而因有3位老人+2位婴孩，食量较少关系，想揾一间比较经济而又临时订到位既自助餐，最后经朋友介绍决定一试呢一间。又下车一刻，酒店职员已经好殷勤接待，见我既推住bb车,帮我嘅揿电梯推门不在话下，最紧要系笑容满面。餐厅内座位不多但座位宽敞，原本收费成人约$450,小童/长者$350,即场可免费申请会员卡,便立即可全单七五折，折后价钱都算便宜。至于食物方面，唔会令你眼花撩乱哗哗声，只喺大路食物每样都有啲，最重要客人唔多，唔使轮米咁排队，鹅干和牛每次都唔限数量，而我至爱嘅鱼生仲可以自己任夹唔使好似其他餐厅咁每次配给两片。反而热食唔算好多，如果加个粥面档咁就完美啦。甜品亦都不过不失，仲有haagen dazs雪糕食。最后梗系揾职员帮我地影大合照，职员姐姐亦都好有耐性同埋揾野吸引bb影相。总括嚟讲，如果要求唔太高，食量亦都唔大既人，呢间亦系唔错选择，至少系我会回头既餐厅。