心日本料理 (已結業)

有人工作不如意，自己「感觉」「经济拮据」，居然大幅克扣「上餐馆」的次数。其实食少一餐两餐，又系咪帮到件事呢？Anyway，极力争取、加上揾到优惠，先有机会「食餐好嘢」。来回Uber差不多3旧水（你话果啲所谓要「悭」系咪好无谓呢），过海揾到这家小店，都唔易揾。 店里座位不多，应该都是熟客为主，加上一些住附近的老外。店员都很主动跟客人聊天。先点了渍物蒜头、蟹子沙律。正常。极上刺身拼盘，摆得几靓、亦好细心跟紫菜食海胆。质素 ok 啦可惜鲷鱼有麟。吞拿鱼蓉卷。好味。有啲脆脆喺上面，有心思。串烧，正常不错。压轴：鲷鱼汤乌冬。好味！汤底浓郁够鱼味，可以同西环的「涛」比拼。汤底一饮而尽。再后加了海胆炒饭，食唔晒打包。第二日叮返都好味。自带 chablis 白酒，配刺身一绝。开瓶费$50，赞一个。埋单有优惠，2人$600多，抵到喊。平常呢个价，一位都唔止。食完，咪又冇破到产～ 钱系可以揾返嘅～ 放松啲～后记：太开心漏低了装酒的保温袋。之后打返电话去，店员都好有礼貌话帮我 keep 住。「英雄被困九龙湾，不知何日去我中环」，执笔之时都未知何时可以去取回。感谢店员代为保存。