Colours Cafe & Bar (已結業)

经济差系人都知, 但都要食饭, 星期五六又惊贵, 所以约咗女朋友星期四晚出街, 希望悭得一蚊得一蚊啦! 行过铜锣湾,记得果道有个平价饮食广场, 咪推个女朋友上吓去咯, 第一间比我见到既系italian tomato, 成七十几蚊, 个卖点只系得件用油推出来的"蛋糕" , 第二间系中式大排档格局但系卖紧$300 几蚊的火锅, 第三间就系cheap 到爆的越栈, 几间都唔合我口味, 行到最后, 有间叫colours 的 物体, 唔知卖咩, 但见到佢地有做宵夜, 咪试吓咯, 果时十点到, 成个埸都冇人, 系得佢果间有d人气, 仲要我地坐门口, 有冇咁爆呀?睇个餐牌, 哗, 终于明白点解咁多人, 我地叫咗个日式便当, 同个鳗鱼石锅饭, 两样加埋都系$88蚊, 仲有餐汤, 餐包同餐饮...之后, 我地比佢地d游戏吸引咗, 挂住玩, 有个侍应好心走埋来提我们个石锅饭如果唔趁热食, d饭会变硬架, 我女朋友话超细心... 咁既服务加咁既价钱, 我觉得好抵玩咯!