紅番茄餐廳 (已結業)

同友人路过深水埗揾嘢食，谂起旧同事推介呢间好抵食嘅西餐厅，所以就即刻入去试。佢个蕃茄汤好似系好出名嘅，但又唔太打动我咋㖞。 不过我见佢有即开澳洲生蚝$30只，都好大只下，所以我哋又叫几只试下，哗！好大只之余系好甜，好鲜，带咸咸嘅海水味，真系好好食。另外我地又叫咗龙虾配牛柳，牛柳真系好淋好juice , 龙虾就稍稍嫌“鞋”。另外叫咗个蛋包饭，同我想像中嘅唔一样。。。因为我心谂住系日式个只中间切开仲好软滑𠮶种，但呢只系煎熟晒嘅蛋卷饭嘅做法，有啲失望，早知问吓佢先啦。Anyway, 我都算满意佢哋嘅牛柳，但咁嘅价钱，算系咁啦！