漁匠料理 (已結業)

因为探亲戚既关系泥到上水，一行人决定去医医肚，就比我发现左呢间日本野。餐厅门面太暗既关系令我以为冇开门😂望真d入去原来都有客人食紧野。我地先系门口睇下餐牌有咩岩食，见到价钱都系接受范围之内所以决定试下。餐厅内部好有日本味道，水吧既装饰色彩缤纷，令食客更有食欲。我呢个拉面系猪骨汤底，配料有鸡蛋、叉烧同木耳丝。汤底既猪骨味算浓，亦唔会食到好重味精，唔会油腻。配料既叉烧令我好惊喜，大大块好够肉，而且唔会太肥，属于瘦既类别。木耳丝则系好爽口😆个人觉得主角系个溏心蛋😻拉面配有溏心蛋，蛋白好嫩滑，蛋黄亦非常流心。而且系整只蛋上，呢样真系好难得阿！跟餐有小菜，中华沙律好爽口，配上芝麻更香，味道满意。除咗前菜外，拉面餐仲附送寿司(因为我同屋企人叫同一个餐所以先各有2件寿司，正常系向一件)。不过寿司饭既醋加得有点多，令到酸味过重。鱼生冇话特别鲜味，不过质量尚算新鲜。最后亦配有餐饮，我点左柚子蜜，不过味道唔够浓，有d淡，建议多加柚子蜜唔好浪费左杯野饮。整个拉面餐既小菜同饮品都好丰富，推介大家午餐泥试下。