桃園制作粥麵餐廳 (啟田商場) (已結業)

今晚唔想煮饭，去咗蓝田启田商场嘅《桃园制作》嚟开餐。食肆面积颇大，座位阔落舒适。拣嘅系晚市自悠选，叫咗个胡椒猪肚鸡煲，加马拉盏通菜炒牛肉，另加多$20，配是日炖汤和藜麦饭。炖汤先上，虫草花茶树菇炖瘦肉，清清哋。马拉盏通菜炒牛肉继而上枱，份量相当足，通菜鲜嫩爽脆，牛肉都算嫩滑，惹味菜式，好好送饭。胡椒猪肚鸡煲热辣辣登场， 咸菜、鸡块、猪肚、云耳、腐竹、红椒...材料十分丰富，仲加咗个蜡烛台，慢慢滚住嚟食，可惜胡椒不足，味道较淡，如果加多点辣和咸，相信会好味好多。埋单盛惠$158，两个人晚饭唔算贵。