青山灣海鮮小廚 (已結業)

12 个人，2000 蚊海鲜，千零蚊油料钱，每人280，又有海景，服务都ok，夫复何求？开头见到咁低分都惊惊地，但食落又无乜野㖞，好过西贡𠮶啲好多！最紧要啲料新鲜，难食极都有个谱。瀬尿虾，炒蟹都够惹味。蒸鱼，蛏子，鲍鱼仔都蒸得唔错，系个辣酒花螺唔系好够味。炸蚝好大只，但火候刚好啲肉重好滑，不过太大只好饱滞。椒盐鲜鱿啲肉刚好唔靭，其他𩠌菜都ok。食海鲜大餐又想食得经济啲，呢度都系一个几好选择。