茶木‧台式休閒餐廳 (已結業)

今日六點幾睇大霧山自梳女鬼之前搵個地方食晚飯，上左加拿芬茶木，好彩未好多人，等一張枱就有位！今次叫左"凍珍珠奶茶"$29,個杯係特別訂造嘅個賣相唔錯，雖然茶味唔係太濃但大大杯多冰又夠凍！"孜然鹽酥蘑菇"$56 ，佢係用黑大蘑菇，粒粒炸到外脆內多肉多汁，好味！"金黃鹽酥雞"$48,依個我覺得差少少，如果啲雞大塊少少，入味啲會更好！"榛子咖啡"$32，咖啡嘅苦配上上面啲cream啱啱好，最重要佢上面塊餅又香又好食！最後到主角"巧克力香草磚塊蜜糖吐司"$70,鐘意食甜品嘅人一見到就十分興奮，上面非常多吉士醬、雪榚同cream,再配佢下面烘到好香同有啲甜嘅吐司真係非常美味討好，草莓亦新鮮好味！所以次次嚟茶木都唔可以叫太多咸點，因為一定要留肚食甜品！