賓墟冰室

营业中

休息中

前日放假训到下昼就落左去宾虚食下午茶，睇完餐牌见佢推出左新既铁板餐加上未食饭好肚饿，一于试下新嘢，我就叫咗个重量级香煎纽西兰牛柳配意大利粉(黑椒汁)，家人就叫咗个巨人鸡脾扒拼蒜蓉焗青口配薯条(洋葱汁)同两杯冻柠茶，等咗十零分钟两个餐都送到，两份餐既卖相都唔错意粉同薯条都另外分碟上，呢个做法几好，啲薯条唔会淋晒，意粉又唔会沾倒铁板上太多油，牛扒质地正常分量足，家人话份鸡扒都唔错，如果呢个餐可以有埋餐汤就更加好了， 宜家青衣想经济实惠食扒餐又多左一个好选择。