別府駅前料理 (已結業)

今日放工一个人揾食，行到黎翡翠广场，真系好多选择，别府已经多年无食过，就决定回味一下，但天气实在太热，真系唔想挑战佢的地狱拉面，想当年真系为左食地狱拉面慕名而来，餐牌食物除左寿司……样样都热食……锅物类都多……想揾个小食都好难……想食冷乌冬冷面都无，终于见到个辣椒冷豆腐$28，都试下啦，睇卖相几靓，白雪雪豆腐配上红当当的配料，估唔到无想像中辣，得d麻辣香气，脆脆粒粒像xo酱feel,呢个推介好食，另外叫左寿司set 都几抵食$70，不过另外加带子蟹子卷$28就失望了，因为觉得好细件，蟹子少得可怜……带子一只细size再切半，仲薄过争鲜……禁耐无食别府发现佢寿司真系唔够别人吸引，唔怪得寿司另外有9折，除左细件本人觉得d三文鱼、八爪鱼……寿司唔够冻，好像系室温好耐感觉……别府都系食拉面保险些！