更多
2022-06-03
175 浏览
总会有啲时候特别想食重口味嘅嘢,放工途径旺角,心思思决定去食鸡煲,等自己放肆下,享受又香又辣嘅浓味晚餐。18楼鸡煲都系市场打滚好多年,之前朋友介绍过,今次就试下佢。是日只要有肉就开心,所以拣咗个A餐,先鸡煲,后边炉,只需人头$208,绝对系性价比之选。上到去见到环境都身心舒畅,冇油烟味,装修又靓,好多港式招牌同霓虹灯,估唔到内里咁新潮!先讲主角,呢到嘅鸡煲果然名不虚传!酱汁今次叫咗小辣,食落确实唔算太辣,反而有点甜味,味道会越煮越浓。最值得赞,佢啲鸡肉全部都好嫩滑,又无冰鲜味,上枱几分钟就食得~重点系冇碎骨,可以放心大啖食。全程使用QR code落单,估唔到选择都唔少,海鲜方面有齐虾、鱼、甲壳类。特别推荐:脆脘片同鳝片够新鲜爽脆;鲜甜蛏子,呢个价钱可以任食已经够抵,仲要味道不错,有番咁上下肉地。另外随餐附送嘅牛肉同豚肉都好好味,唔骚无怪味解冻得好,系每次上台份量比较少但放心可以重复叫~除此之外仲有小食㗎~最后特别要赞自助区,饮品用心,特别钟意自家制嘅桂花乌龙同冬瓜茶,清新又唔甜;蔬菜款式够多元,总有一款啱你;最后提提大家一定要去雪糕机自己吱雪糕呀!有抹茶同朱古力味,一样咁软滑香浓,加埋
总会有啲时候特别想食重口味嘅嘢,放工途径旺角,心思思决定去食鸡煲,等自己放肆下,享受又香又辣嘅浓味晚餐。
18楼鸡煲都系市场打滚好多年,之前朋友介绍过,今次就试下佢。是日只要有肉就开心,所以拣咗个A餐,先鸡煲,后边炉,只需人头$208,绝对系性价比之选。上到去见到环境都身心舒畅,冇油烟味,装修又靓,好多港式招牌同霓虹灯,估唔到内里咁新潮!
先讲主角,呢到嘅鸡煲果然名不虚传!酱汁今次叫咗小辣,食落确实唔算太辣,反而有点甜味,味道会越煮越浓。最值得赞,佢啲鸡肉全部都好嫩滑,又无冰鲜味,上枱几分钟就食得~重点系冇碎骨,可以放心大啖食。
全程使用QR code落单,估唔到选择都唔少,海鲜方面有齐虾、鱼、甲壳类。特别推荐:脆脘片同鳝片够新鲜爽脆;鲜甜蛏子,呢个价钱可以任食已经够抵,仲要味道不错,有番咁上下肉地。另外随餐附送嘅牛肉同豚肉都好好味,唔骚无怪味解冻得好,系每次上台份量比较少但放心可以重复叫~除此之外仲有小食㗎~
最后特别要赞自助区,饮品用心,特别钟意自家制嘅桂花乌龙同冬瓜茶,清新又唔甜;蔬菜款式够多元,总有一款啱你;最后提提大家一定要去雪糕机自己吱雪糕呀!有抹茶同朱古力味,一样咁软滑香浓,加埋配料无得顶!
张贴