喜多郎日本料理

营业中

休息中

西贡嘅日本餐厅唔多，所以冇乜考究就帮衬左呢间野啦，点知原来系一大伏。 餐厅门口嘅餐牌嘅菜式大概80几蚊，我地见价钱合理，于是入去啦，点知入到去大部分都系贵价野，同门口𠮶啲菜式似乎有所出入，个人认为有误导人之嫌！ 食物质素真系非常一般，鱼生唔够冻，热食就系冻嘅，份量得𠮶少少，但系价钱比市面贵两三倍，譬如一个锅得几条菜再加少少鱼等等，同我对「海鲜锅」既理解有唔同，仲要收二百几蚊。 最顶唔顺嘅就系每当我地考虑紧点某一碟菜嘅时候，侍应就会不断干扰，推介过另一样𩠌，但系价钱可能贵三四倍。例如我哋想叫带子寿司，侍应就叫我哋叫铁板带子，好彩问一问价钱先，否则就中招。最后埋单每个人接近$500，非常不满，好似未试过咁差嘅日本餐厅，一定冇下次。见到餐厅周末晚上都入座率低，我唔觉得出奇了。