Season Plus

营业中

休息中

最近去咗尖沙咀依间「Season Plus」食晚饭，佢哋嘅生蚝真系唔错，而且喺酒类上依度都有好多选择，另外，依度嘅经理好热情，服务好好，佢除咗斟埋杯红酒坐喺隔离同我哋吹水，仲亲自整咗两款小食同两杯生啤，请我哋饮饱食醉，等我哋可以一齐一路食嘢一路吹水，喺度食饭真系好开心。*此餐厅收取加一服务费。美国特级安格斯肉眼（单点$368），肉质五成熟，色泽粉嫩，配以玫瑰盐食用，牛味更加突出，薯菜包括有马铃薯、大蒜、番茄、节瓜、长豆。凯萨沙律配挪威烟三文鱼（单点$128），好足料，包括有罗马生菜、芝士、面包粒、车厘茄、樱桃萝卜、烟肉碎，烟三文鱼味道咸香。炸美国薯条配黑松露芝士酱（单点$68），口感香脆，配以黑松露芝士酱食用，味道独特。炸鸡软骨（单点$68），口感酥脆，食落有咬口。12只精选生蚝（跟酒$50），食落好新鲜，配以柠檬汁、Cocktail Sauce食用，味道更佳。Paesello Caraldi Vino Bianco d’Italia （单点$168），果味浓香，饮落好清爽。