翠華餐廳 (已結業)

本来，卡叔同卡婶，几乎个个礼拜都帮衬呢间翠华两三次﹗( 有时早﹑有时午，有时晚), 因为佢地基本上食物都ok, 普通食饱个肚，仲想点？但经过今晚，唔使旨意我再帮衬﹗﹗事缘呢晚卡婶叫咗个带子鸡排餐，点知食到一半，至发觉呢晚既晚餐，都系带子鸡排，而价钱则相差足足十蚊﹗卡婶叫个灰衫阿叔经理过黎，好声好气问佢晚餐同排餐有咩分别，阿叔经理初初话两者份量不同，但坐我地后面两个人，都正正食紧呢个晚餐，而份量一ｄ分别都无，仲要炒饭底﹗﹗卡婶傻吓傻吓问，可唔可以改番当晚餐，跟住阿叔经理话唔得，因为入咗电脑　仲话我地自己拣，好公平　跟住，阿叔经理讲吓讲吓，仲爆响口，其实ｄ排餐轮流会做晚餐；我听到，就同阿叔经理讲：　「我唔使你扣番十蚊俾我，我当我自己做咗傻仔，但你地下次再用排餐当晚餐，就应该提ｄ伙计提醒ｄ客，咁至系待客之道。如果第二个客好似我咁觉得自己做傻仔，唔开心，就会唔再黎啰．．．」点知阿叔话ｄ伙计水平低，做唔到；仲叫我地下次小心ｄ拣﹗黎唔黎帮衬又系另一样事．．．　唔系呀哗？﹗　唔回水﹗唔认错﹗唔接受意见﹗剩系叫我地下次小心d拣？﹗﹗﹗摆明两份餐全无分别﹗卡婶仲拣白饭底 vs 晚餐都有炒饭底﹗我一定会小