餃手餃子靚湯

营业中

休息中

行完山要医肚，本身谂住食crepe n cream但去到负责人话5:00先开(openrice写3:00，但后尾食完饺子番转头5:30都未ready😑)，惟有喺附近食其他野。见到依间同我最爱美味饺子馆一样，有自家靓汤同饺子，就决定试下。饺子可叫6只/8只，配上海面、米线、或净煎/汤饺都得，几flexible。粟米冬菇猪肉饺 $32/6只 - 汤底系花胶螺片鸡汤，食到红萝卜同几块细细片既花胶，尚算鲜甜，饮完冇口渴，合格。饺子涨卜卜咁包得好饱满，有好多粟米同冬菇，调味好足够、口感丰富，出乎意料地好食！椰菜猪肉饺 $28/6只 - 入面有唔少椰菜，食到椰菜爽口既口感，唔错。冇粟米冬菇猪肉饺咁浓味，可配餐枱上任攞既菜甫。依度既饺子皮比起美味饺子馆稍厚，菜甫亦冇咁辣咁惹味。 不过饺子选择较多，味道都唔错，经过可一试。