嚐仙 (已結業)

食完晚饭想再食糖水，醒起早排经过铜锣湾见到呢间甜品店新开，就同朋友一齐嚟试吓。我哋两个人share左一碗五色牛奶冰，佢有多款配料可以比你自己拣，我哋拣咗仙草、布丁、芋圆、小丸子同地瓜泥。咁多样配料入面，我个人最钟意地瓜泥，地瓜泥真系食到一丝丝地瓜嘅口感，甜味亦系自然嘅甜味；布丁好滑；芋圆烟韧；仙草滑溜，有少少药材味；而小丸子就冇乜味，建议下次唔好拣小丸子。冰底系普通嘅碎冰，但系就浸左喺花奶入面，就咁食唔太甜，所以我哋加咗好多另上嘅炼奶😆 $55一份冰两个人share都算合理价钱，虽然食物冇乜特别，但经过都可以一试。