老荔冰室

营业中

休息中

老荔冰室无论外型同店内环境一样，大玩怀旧。店外晚上著晒霓虹灯及灯牌，店内则有卡座、模仿旧式戏院🎬的不日上映牌及超型logo，环境非常适合打卡。金沙朱古力流心西多士表面唧左好多朱古力酱，一切开真系流心，d酱溢出。外皮好脆，味道甜甜的几好食😋。餐肉炒蛋热香饼汉堡依个好特别，系汉堡但两块皮都系热香饼。旁边奉上糖浆，但配料系咸香既午餐肉。咸配料点上甜既汁食中和返两种味道，好夹。沙嗲牛肉煎双蛋面沙嗲牛肉个汁较浓，质感冧身，配面食好正，再煎埋双蛋，个人钟意拮爆蛋黄漏出蛋浆令个面湿湿地更好食🤤。沙嗲汁星州炒米配猪扒及煎蛋🍳好邪恶👿，有无系茶餐厅食星州炒米系会配猪扒及煎蛋呀？我第一次食，成块扒厚身同大块到完全覆盖碟炒米粉，本身炒米已有配料，仲要一啖米粉、一块切好既软属猪扒；最夸张系星洲米系用沙嗲酱炒，味道更香浓。叉烧滑蛋饭个人认为依间既叉烧滑蛋饭系正过外面餐厅整既，叉烧细细块但好软身，而且蜜汁入味；配上炒滑蛋好好味😋。阿华田脆脆咸柠可乐两款特饮都好正，必试。前者香甜又有脆脆增加口感；后面酸酸的非常解渴。