茶湯會 (利園山道) (已結業)

去铜锣湾食完午饭，经过啲珍珠奶茶店好想饮不过比较出名𠮶几间已经好长龙，经过茶汤会，其实每次经过都见到，但系就未有时间试所以今日就有机会一试。餐厅饮品都几多，其实同歇脚亭𠮶啲有啲类似，因为我比较钟意茶味，所以我就叫咗珍珠奶茶。一般台式饮料其实都比较偏甜，所以我都会叫半糖。珍珠奶茶（奶粉）我叫咗半糖常温，但系店员话无常温，所以会比常温偏热少少等咗一阵好快就已经有得饮，因为唔使排队，味饮落都ok，富有台式珍珠奶茶风味不过珍珠就偏细粒，唔够弹牙，口感欠奉。珍珠奶茶个茶底都算香，唔算好重奶味，但系叫咗半糖都系偏甜。如果下次再有机会饮就会叫微糖。总括嚟讲都算唔错，ok啦