九份•十分 (已結業)

今日下午二时多，经过上水彩园广场，见到呢一间食台湾野，于是入去试吓！地方都几阔落，座位充足！大约有90个座位！有梳化位提供！店员都几有礼貌。落单点食物都好快手。我点了三款食物和一杯饮品。第一款系忌廉芝士蘑菇鸡翼，鸡翼内有芝士和两块蘑菇，咬落去软林林，重重嘅芝士味好好食，卖相亦都不错，有蔬菜伴碟。第二款系阿娇担仔面，跟「度小月」一样的份量，细细一碗，有quota叫多几款小食。第三款系芭乐凤梨盐水鸡，餐牌写着是辣的，份量比餐牌的多好多，足够三个人食嘅份量，内有芝麻酱整成嘅切鸡肉、菠萝、芭乐、紫洋葱和青瓜，系一款好开胃嘅夏天小食！饮品方面我点了综合水果茶，卖相几靓，有一个小杯子俾你倒落去饮，杯子入面有一片柠檬，水果有苹果、青柠、橙同埋一棵话梅，甜甜地酸酸地，好适合夏天饮！总结，这间餐厅食物不错！