R&B (已結業)

朋友话系IG见到呢间餐厅好似几靓，提议过黎试吓。一入到去果然无令人失望，一大幅落地大玻璃，映衬窗外翠绿既大树，犹如一幅自然风景画，难怪咁多人钟意黎打卡。我哋今次夜晚黎，灯光昏暗，坐喺餐厅内感觉被窗外嘅大树包围住，非常有氛围！我哋点咗个snowboard salad, 一上菜就已经觉得非常吸睛，摆盘好靓好特别，色彩缤纷，简直系视觉上嘅享受。沙律菜上面铺满salami、虾、鸡蛋、烤南瓜片、三文鱼籽、腰果、薯仔、苹果，仲配上一兜芝士沙律酱，全部食材都好新鲜好足料，口感层次丰富，好fresh ！主菜我哋点咗烟肉忌廉蛋汁意粉。意粉弹牙，酱汁有浓郁嘅芝士同奶油味，好creamy, 不过可能太多酱汁，食食吓有啲腻。另外点咗两款小食。蒜香松露薯条 - 薯条炸得香脆，同面头嘅酸忌廉酱好夹，松露香味就淡咗啲，不过整体非常惹味，食唔停口。海苔蜜糖鸡翼 - 海苔布满成兜鸡翼，不过有少少盖过咗蜜糖味。另外仲有附上几块青柠，唧啲青柠汁落鸡翼到感觉清新，可以中和吓油腻。今次试完R&B，印象非常唔错，环境舒适惬意，食物有质素，份量又大。下次要揾日黎试吓午餐，相信日头有阳光透过玻璃窗照射入黎会更有feel，真系念起个画