上海美華菜館 (已結業)

满心欢喜的从巧兴来到美华，一踏入去已经听到老板娘流利的上海话，好似一枝强心枝咁，好开心的谂住可以一试小弟超爱的粢饭。点知...原来早上十一点前先有的（假日就十二点前）...ugh...超失望!!! 葱油饼呢？都系早餐先有...好似我咁既大食懒，要我十一点前起身落楼下食早餐都难啦，仲要look到去土瓜湾咁远真系mission impossible.......但为左粢饭一定要试下（听住先）!!!咁好啦，冇粢饭，唯有叫个油豆腐粉丝汤同埋一个排骨面。油豆腐粉丝汤色水好深，唔似平时个D，而且好多料，本来好期待的...点知饮落先发觉冇咩味的...小弟超爱油豆腐因为会索晒汁，但汤底冇味的关系，豆卜都系冇味的。汤入面仲有粉丝、榨菜、木耳同罐头蘑菇...唯一最好的就只有粉丝，几爽口的，但汤底唔好配料好都冇咩用了。排骨面同样令人失望。排骨较干，而且炸得一D都唔松而系实的。面就还可以，几烟韧的，但妈妈就嫌质感太胶。讲到依度，其实理应畀个喊面...畀OK的只有两个原因。第一系佢杯豆浆，很香浓的豆味，好似南瓜兄咁讲近乎有重「烟」味，系咪真系焗过既呢？第二系想下次有机会试过佢既栥饭先再下结论（我太好人了哈哈）。