Green Orange

肚饿嘅我一放工走都走唔切，只想快快食个dinner，但当然唔系快就可以，一定要好味。唔知系唔系连waiter都知我肚饿呢，一坐无耐就有面包食。D面包几好wor, 外面脆地地里面又软软咁，味道仲甜甜地，醮埋我钟意嘅意大利醋同olive oil仲正。我呢南瓜迷一有南瓜汤饮特别兴奋，呢个南瓜汤好幼滑，连南瓜味都好浓而且又甜甜地，饮到我开心到呢笑咗出嚟。未食见到呢个蟹肉酥皮盒已好对路，样子靓靓咁，食落仲顶呱呱，好多蟹肉系里面(真系估佢唔到) ，蟹肉仲好鲜甜，配个脆脆酥皮盒，真系完美之作!肉兽嘅我见到呢块大大牛扒即刻开心晒，牛扒肉味同鲜味都几出，唔韧又易切，不过少少不足就系煎得油咗少少。配菜薯仔同蔬菜煎得几香同好新鲜，但都系煎得油咗少少。老实说呢个唔太甜啱啱好，酥皮带点牛油香，但有D唔够脆，不过不失。整体食物系唔错，服务周到又成日添水，坐得又舒舒服服好啱情侣嚟。