功德林上海素食 (世貿中心) (已結業)

虽然我对素食的认识唔多，但系如果要食素的时候，我通常都会选择呢一间，因为无论环境、卫生、食物和服务的质素都几好。是晚八点半，餐厅都几乎满座。五福临门拼盘 (小) $228又想食素鹅，又想食鸡丝粉皮，心多多的我拣呢一个五福临门拼盘就可以满足晒我所有的愿望。 素鹅几脆，鸡丝粉皮的麻酱份量很够，脆鳝比较硬身，但系味道不错， 其余两个一般。回窝肉炒年糕 $88味道同非素炒年糕系一模一样的， 豆腐干、菜、年糕全部都挂汁，微辣。香煎琵琶豆腐 $105望落去个样有点干，食落去更加系不堪。入面系干争争，完全唔系琵琶豆腐𠮶种软淋淋多汁，西兰花就正常。茶芥每位$15蚊，小食唔记得咗收几钱。