宏 (已搬遷) 新店位置

去到The One,宏一定非常適合中意食綠茶雪糕，綠茶蛋糕嘅朋友仔。餐牌上有不少定食可供選擇，除此之外，甜品有好多抹茶選擇，正。抺茶沙冰配抹茶雪糕有濃濃嘅抹茶味，解渴消暑一流。日本草莓沙冰係真材實料，因為沙冰裏有草莓籽，甜甜地幾好飲。大鰻魚飯好抵食，因為鰻魚有兩條，味道無腥味，加埋鰻魚汁，撈飯好好味。另外，仲有一碗烏冬同一碗沙律，好豐富。照燒雞飯看似好普通，但雞扒燒得好好食，好香。一樣呢個套餐係包一碗烏冬同一碗沙律。套餐亦都包埋一件蛋卷，我地就揀左抹茶同黑芝麻味。兩款嘅味道都濃郁，好好食。牛奶蒟蒻芭菲嘅牛奶雪糕非常滑，加上有不同水果，值得推介。抹茶芭菲絕對係抹茶控必選嘅一個甜品，因為佢嘅抹茶雪糕好正，加上d芭菲非常滑，味道甜甜。