碗盛 (已結業)

呢度嘅餐厅环境都算几好，店员嘅服务态度亦都唔错。我喺天后站行出嚟，行三个街口，时间大约3分钟，就可以嚟到呢度。店舖里面嘅装修都非常有日本特色，位置都算宽敞，可以俾四个人一齐坐都OK。我就先叫咗一杯百香果乌龙茶，初头我会以为系好甜，但系后来当佢嚟到嘅时候，发现其实一啲都唔甜，反而有好香嘅百香果味道。接下落嚟就系下午茶甜品。之后我就叫咗呢个绿茶窝夫汉堡，等咗大概三个字，终于嚟到，窝夫本身唔算话特别大份，但系都算几精致，有日式小丸子、厥饼，再配埋温和左宇治金时嘅忌廉，一啖热辣辣嘅窝夫，再配埋劲滑嘅忌廉，仲有红豆，加埋一齐食，就非常好。