超羣麵包西餅 (香林大廈)

营业中

休息中

是晚路过中环，咁岩谂起TVB节目提过超群有绿茶红豆鸡蛋仔，即管行去睇下呢间超群有冇先。去到刚刚买到今晚既最后一底鸡蛋仔，真系好彩同总算无白行一趟。接过热辣辣既鸡蛋仔，颜色睇落都几青绿，面层都明显见到一粒粒既红豆，可见红豆既份量都几足，趁热立即将一粒放入口先！先系食到几浓既绿茶味，比我想像中既味道仲要浓，但浓得嚟系好食既。继而食到粒粒香甜软淋既红豆，味道似乎系罐装既红豆，大粒得嚟又偏淋。整体上绿茶加红豆既味道夹得好好，而鸡蛋仔又做到外脆内软，只系外围有几粒鸡蛋仔可能落得唔够蛋浆，所以只系得个壳。呢份鸡蛋仔$18.5，以小食嚟讲好似贵咗少少，但总括嚟讲都算食得过。可惜店外海报讲只系卖到4月10日，睇下有冇机会再嚟食多底先。