聖安娜餅屋 (港鐵大圍站)

营业中

休息中

圣安娜 宇治东茶园 抹茶果冻芒果卷 $49 平时番工都行开会经过呢间饼店，买亲都系面包做早餐。不过，行过见到门口放左各式各样生日蛋糕又真系好吸引，有某懒洋洋的熊仔卡通人物，有好多生果做装饰嘅，又有好多细细件靓到好似家居摆设的小蛋糕或批。不过，都唔系生日又唔会无喇喇买。但今次圣安娜出左呢个宇治东茶园之抹茶果冻芒果卷，抹布控的我谂都唔谂就买左黎做早餐，虽然佢系抹茶卷，但因为中间放左果冻同埋芒果，令单调设计的蛋糕卷加添左特色，而且颜色都唔系夸张的，所以保留住传统日式和风的感觉。 蛋糕容易切开一片片，但唔会烂，有少少湿度，食落口有浓厚抹茶香，加上蛋糕的忌廉，非常香滑。食到中间的果冻，有清淡少少抹茶味，好弹牙，令一件平凡的蛋卷增加左口感。而芒果亦好香甜，视觉同味觉十足。最后，不得不提就是日式甜品的红豆蓉，份量适中，又够甜，系呢款蛋卷的精粹所在。