澳瑪葡國菜 (已結業)

香港嘅葡国餐厅唔知点解唔系有好多选择，印象中响中环𠮶间叫似d葡国菜，其他嘅都只不过系一间中、西合壁嘅餐厅，今次呢间亦不例外，就当系一间西餐厅算啦，好在餐厅对住个维港，我哋下午六点多入坐，啱啱睇到日景、日落景同晚景，值得加分。今朝经个apps 订枱，再打电话去要求坐窗边位，接缐生话唔一定有，好彩去到都安排到。坐底睇吓个餐牌，讲真，心中嘅葡国菜呢？马介休、沙甸鱼、牛尾、葡国鸡⋯⋯ 成个餐牌都见唔到。今晚我点嘅嘢食系⋯ 龙虾汤、清酒煮蚬、马介休薯仔、龙虾并烧牛柳、西班牙海鲜饭、霹雳烧鸡。虽然全部都唔系葡国菜，不过野食系ok 嘅。d蚬好大只，几鲜味，龙虾汤亦够浓，如果加少少龙虾肉会再好d，马介休薯仔炸得几香，龙虾正常啦，牛柳五成熟啱啱好又够冧，西班牙海鲜饭就一般啦，下次可以唔试，至于个癖力烧鸡，个名就劲，得个名劲啰，食落好一般。服务系唔错，服务周到。环境唔错，不会太嘈吵，风景靓嘅，坐位唔会太迫。整体野食、环境、服务唔错嘅，不过就唔似系一间食葡国菜嘅餐厅啰。