幸福班戟 (已結業)

早几年兴疏乎厘班戟嘅时候，有好几间过江龙嚟香港开，幸福班戟系其中一间，𠮶阵一开嘅时候都要排长龙，𠮶阵食过都觉得同日本嘅质素差唔多。隔咗咁耐今日再嚟试吓，品质依然维持到。-叫咗个最Classic嘅疏乎厘班戟，佢嘅班戟好有空气感，食落好软熟，蛋味亦都好浓。虽然有三块但其实好快就食完🤣另外都叫多咗个烟三文鱼配疏乎厘班戟，烟三文鱼就正正常常冇乜特别，所以嚟到呢度最主要嗌疏乎厘班戟就可以。-早排去冲绳都想试吓食吓幸福班戟，但系𠮶度都系超有人气，Walk in都有排等，好彩今日嚟到呢度都食到。