三本目 (華成樓) (已結業)

食过几间外卖寿司店，觉得荃湾哩间质素最好，之前病左好耐无得食生冷野🥲 今日解禁就去帮衬多次。铺头系外卖自取，即叫即整，所有可以提早落定单，去到攞就得。今次叫左火炙鱼生丼同寿司一人盛套餐Set C，埋单都只系$144，真系好抵食！火炙鱼生丼送一个三文鱼味噌汤，而个丼好足料，有三文鱼、鱼籽、玉子、虾等等铺满个面，每样都大大件，而个饭仲有腌萝卜同腐皮去调味。而一人盛Set C有十件寿司：三文鱼、赤贝、北寄贝、赤海虾同吞拿鱼，同丼份一样啲鱼生都系大大件。佢地仲有好心思咁系鱼生上𠝹左花，咁可以挂到啲鼓油入去，唔系间间外卖寿司铺会咁花心机。哩间食左两次，质素都高，价钱又抵，会再帮衬！